అరకు విహారయాత్ర - August /2017

ద్వారకా తిరుమల నుంచి బయలుదేరాం ఆఫీసు మితృలంతా చాలా హుషారుగా....

ఉదయాన్నే విశాఖపట్నం స్టేషన్లో దిగాం..
మేము వెళ్ళగానే కిరండోల్ పాసెంజర్ అరకు వెళ్ళడానికి సిద్దంగా ఉంది మా కోసమే అన్నట్లు.. అందులో ప్రయాణికుల ముఖాలలో ఒక రకమైన ఉల్లాసం.. పిల్లలు నుంచి పెద్దలవరకు
వీరంతా భూలోక స్వర్గానికి వెళుతున్నట్లు ఆనందంగా కనిపించారు..

1.  విశాఖపట్నం నుంచి బొర్రా గుహలు రైలు ప్రయాణం కొండ గుహలలో గుండా చాలా బాగా సాగింది... ఓ వైపు లోయలు మరోవైపు ఎత్తైన కొండలు.. యాత్రికులు అంతా ఆశ్వాదించాం..

2.బొర్రా గుహలు వద్ద దిగాం.. ఒక్కసారి బొర్రా గుహలు అనే బోర్డు చూడగానే ఎంతో ఆనందం వేసింది‌.. చిన్నప్పుడు పాఠాలలో చదువుకోవడం,సినిమాల్లో చూడటమే కాని. ఇంతవరకు చూడలేదు కదా.‌.మొత్తానికి ఇప్పుడు చేరుకొన్నాం అని ఆ ఆనందం.

 - ముందుగా కటిక జలపాతం వద్దకు మా ప్రయాణం సాగింది. ఇది చాలా ఎత్తైన కొండ మీద నుంచి కిందికి జాలువారుతుంది...
కొండపైకి నడుచుకుంటూ వెళ్ళడం ఒక మంచి అనుభూతిని ఇస్తుంది..
జలపాతం చాలా బాగుంది, కాకపోతే ఇక్కడికి 40 years లోపు వాళ్ళు వెళ్ళడం ఉత్తమం... కొండపైకి నడుచుకొంటూ వెళ్ళడం చాలా కష్టం..

- తరువాత బొర్రా గుహలకు వెళ్ళాము ఇవి సహజ సిద్దంగా ఏర్పడిన ప్రకృతి అద్బుతాలు, సున్నపురాయికి నీటికి జరిగిన రసాయనిక చర్య వలన సుమారుగా  10 లక్షల ఏళ్ళ క్రితం ఏర్పడ్డాయి అని చెబుతున్నారు... మేము మద్యాహ్నం 3 గంటలకు లోనికి వెళ్ళాం.. అందులో వాతావరణం రాత్రి 08:00 గంటలు అయినట్లు అనిపించింది ఎంతో చల్లగా ఉంది.. ఒకప్పుడు వెళుతురు కోసం ఇక్కడ కాగడాలు పెట్టేవారట.. ఇప్పుడు అధునిక విద్యుత్ దీపపు కాంతులతో పర్యాటకులతో కలకల లాడుతుంది .‌. చాలా బాగుంది..

- ఇక బొర్రా గుహలు నుంచి అరకుకు బయిలుదేరాం. మధ్యలో అరకు కాఫీ తోటలు చూసాం.. సాయంత్రం పూట ఇక్కడ చల్లటి వాతావరణంలో కాఫీ తాగాం(ఒకటి కాదు రెండు) అక్కడ వీచే చల్లనైన గాలికి‌.. ఈ వేడివేడి కాఫీ అద్బుతంగా తోచింది ఆ క్షణాన..

- బొర్రా గుహలు నుంచి అరకుకు వెళ్ళే ఘాట్ రోడ్ ప్రయాణం చాలా బాగుంది.. రాత్రికి అరకులో విశ్రాంతి తీసుకున్నాం

- ఉదయాన్నే అరకులో పద్మాపురం బొటానికల్ గార్డెన్ సందర్శించాం, వివిధ రకాలైన మొక్కలు ,పుష్ప జాతులు ఉన్నాయి.. ప్రకృతి ప్రేమికులకు చాలా బాగుంటుంది.
తరువాత ట్రైబల్ మ్యూజియం కి వెళ్లి అక్కడ అద్దెకు సైకిల్ తీసుకుని చిన్న పిల్లల్లాగా చక్కర్లు కొట్టాము..

- అరకు నుంచి విశాఖపట్నం వచ్చాం కైలాసగిరి కొండను ఎక్కి, అక్కడనుంచి ఒకవైపు విశాలమైన విశాఖను మరో వైపు పర్యాటకులకు అలలతో స్వాగతం పలుకుతున్న సముద్రాన్ని వీక్షించాం..
అటునుంచి జగదాంబ సెంటర్లో Dinner చేసి విశాఖపట్నం రైల్వేస్టేషన్ కి చేరుకొన్నాం...

ఇలాంటి విహారయాత్రలు కంటికి,మనస్సుకు ఆహ్లాదాన్ని ఇవ్వడమే కాకుండా యాత్రకు వెళ్ళిన వారి మధ్య మంచి బంధాన్ని కూడా బలపరుస్తాయి.. మరింత స్నేహాన్ని నింపుతాయి..

- శ్రీనివాస చక్రవర్తి
  August-2017